Tuesday, May 3, 2016

എസ്.പി.സി. സമ്മര്‍ ക്യാമ്പ്-2016 ന് അഡൂര്‍ സ്‌കൂളില്‍ തുടക്കമായി

ആദൂര്‍ സര്‍ക്കിള്‍ ഇന്‍സ്‌പെക്‌ടര്‍ ഇ.പി.സുരേഷന്‍ ഉദ്ഘാടനം ചെയ്യുന്നു
അഡൂര്‍ : സ്‌റ്റുഡന്റ് പൊലീസ് കേഡറ്റുകളുടെ വേനലവധിക്കാല ക്യാമ്പിന് അഡൂര്‍ ഗവ.ഹയര്‍ സെക്കന്ററി സ്‌കൂളില്‍ തുടക്കമായി. ആദൂര്‍ പൊലീസ് സര്‍ക്കിള്‍ ഇന്‍‌സ്‌പെ‌ക്‌ടര്‍ ഇ.പി. സുരേഷന്‍ ഉദ്ഘാടനം ചെയ്‌തു. സ്‌കൂള്‍ അധ്യാപക രക്ഷാകര്‍തൃസമിതി പ്രസിഡന്റ് എച്ച്. കൃഷ്‌ണന്‍ അധ്യക്ഷത വഹിച്ചു. ആദൂര്‍ പൊലീസ് സബ് ഇന്‍‌സ്‌പെ‌ക്‌ടര്‍ സന്തോഷ് കുമാര്‍, സ്‌റ്റാഫ് കൗണ്‍സില്‍ സെക്രട്ടറി എ.എം.അബ്‌ദുല്‍ സലാം, അധ്യാപകന്‍ അബ്‌ദുല്‍ കരീം എന്നിവര്‍ ആശംസകളര്‍പ്പിച്ചു. സിവില്‍ പൊലീസ് ഓഫീസര്‍ കെ.രാജേഷ് സ്വാഗതവും എസ്.പി.സി. എസിപിഒ പി.ശാരദ നന്ദിയും പറഞ്ഞു. ബാലചന്ദ്രന്‍ കൊട്ടോടി, സുഭാഷ് പയറഡുക്ക, എച്ച്. കൃഷ്‌ണന്‍, .എം.അബ്‌ദുല്‍ സലാം എന്നിവര്‍ വിവിധ വിഷയങ്ങളില്‍ ക്ലാസെടുക്കും. സിവില്‍ പൊലീസ് ഓഫീസര്‍മാരായ കെ. രാജേഷ്, ജിബിന റോയ്, എസ്.പി.സി. സിപിഒ എ. ഗംഗാധരന്‍ എന്നിവരുടെ നേതൃത്വത്തില്‍ കേഡറ്റുകള്‍ക്ക് കായികപരിശീലനം നല്‍കും. മൂന്ന് ദിവസങ്ങളിലായി നടക്കുന്ന ക്യാമ്പിന്റെ ഭാഗമായി കൗണ്‍സലിംഗ്, വിശിഷ്ടവ്യക്തികളുമായുള്ള അഭിമുഖം, കലാ-സാംസ്‌കാരിക പരിപാടികള്‍, പഠനയാത്ര എന്നിവയുമുണ്ടാകും.

No comments:

Post a Comment