Friday, July 11, 2014

ವಿದ್ಯೆಯ ಕಲಿತು ದೊಡ್ಡವಳಾಗಿ
ಕವಿತೆಯ ನಾನು ರಚಿಸುವೆನು
ಅಂದದ ಚಂದದ ಹಾಡನು ಬರೆದು
ಜನಗಳ ಮೆಚ್ಚುಗೆ ಪಡೆಯುವೆನು || ವಿದ್ಯೆಯ ||
ಹಿರಿಯರು ಹೇಳಿದ ನೀತಿಯ ಮಾತನು
ಒಂದೊಂದಾಗಿ ತಿಳಿಯುವೆನು
ತಂದೆ ತಾಯಿಗಳು ದೇವರು ಎ೦ಬ
ಮಮತೆಯ ನುಡಿಯನು ಅರಿಯುವೆನು || ವಿದ್ಯೆಯ ||
ಗುರುಗಳು ಹೇಳಿದ ಪಾಠವ ಕಲಿತು
ವಿದ್ಯಾವಂತೆ ಎ೦ದೆನಿಸುವೆನು
ನಿಸರ್ಗ ನೀಡುವ ಚೆಲುವನು ಕಂಡು
ಕವನವ ನಾನು ಬರೆಯುವೆನು || ವಿದ್ಯೆಯ ||
ದೇಶದ ಜನರೆಲ್ಲರು ಮೆಚ್ಚುವ
ಕವಿಯು ನಾನಾಗುವೆನು || ವಿದ್ಯೆಯ ||
ಅರ್ಥ
ಮಾತನಾಡುವ ಮಾತಿಗಿರಲಿ ಒಂದು ಅರ್ಥ
ಆ ಶಬ್ಧಕ್ಕೆ ಬೇಕು ಒಂದು ವಿಶಾಲಾರ್ಥ
ಜನಗಳಿಗೆ ಆದರೆ ಅಪಾರ್ಥ
ಆಗುವುದು ಎಲ್ಲ ಅನರ್ಥ

1 comment: