Wednesday, October 17, 2012

സബ് ജില്ലാ നീന്തല്‍: അഡൂര്‍ സ്ക്കൂളിന് മികച്ച വിജയം
സാബിത്ത്. പി.എ.- ജൂനിയര്‍ ചാമ്പ്യന്‍
          കൊടലമൊഗറുവില്‍ വെച്ച് നടന്ന കുമ്പള സബ് ജില്ലാ നീന്തല്‍ ചാമ്പ്യന്‍ഷിപ്പില്‍ ജി.എച്ച്.എസ്.എസ്. അഡൂരിലെ പത്താം തരം വിദ്യാര്‍ത്ഥി സാബിത്ത്. പി.എ ജൂനിയര്‍ വിഭാഗം ആണ്‍കുട്ടികളില്‍ വ്യക്തിഗത ചാമ്പ്യനായി. 50,100,200 മീറ്റര്‍ ഫ്രീസ്റ്റൈലില്‍ സാബിത്ത് ഒന്നാം സ്ഥാനം കരസ്ഥമാക്കി. കഴിഞ്ഞ വര്‍ഷവും സാബിത്തിന് തന്നെയായിരുന്നു വ്യക്തിഗത ചാമ്പ്യന്‍ഷിപ്പ്. ഒക്ടോബര്‍ 22 ന് നീലേശ്വരത്ത് വെച്ചുനടക്കുന്ന കാസറഗോഡ് റവന്യൂജില്ലാ നീന്തല്‍ ചാമ്പ്യന്‍ഷിപ്പില്‍ സാബിത്ത് കുമ്പള സബ് ജില്ലയെ പ്രതിനിധീകരിക്കും. അഡൂര്‍ സ്ക്കളിലെ തന്നെ അബ്ദുല്‍ റിയാസ് 100,200 മീറ്റര്‍ ഫ്രീസ്റ്റൈലില്‍ രണ്ടാം സ്ഥാനവും 50 മീറ്റര്‍ ഫ്രീസ്റ്റൈലില്‍ മൂന്നാം സ്ഥാനവും കരസ്ഥമാക്കി. ജമാലുദ്ധീന്‍ 100 മീറ്റര്‍ ബാക്ക്സ്ട്രോക്കില്‍ രണ്ടാം സ്ഥാനവും 50മീറ്റര്‍ ബാക്ക്സ്ട്രോക്കില്‍ മൂന്നാം സ്ഥാനവും നേടി. സീനിയര്‍ വിഭാഗം 1500 മീറ്ററില്‍ പ്ലസ് ടു ക്ലാസ്സില്‍ പഠിക്കുന്ന ബഷീര്‍ രണ്ടാം സ്ഥാനവും നേടി. ഓവറോള്‍ പോയിന്റ് നിലയില്‍ ജി.എച്ച്.എസ്.എസ്. അഡൂര്‍ മൂന്നാം സ്ഥാനം നേടി. വിജയികളെ പ്രിന്‍സിപ്പാള്‍ എം.ഗംഗാധരന്‍, പിടിഎ പ്രസിഡന്റ് സി.കെ.കുമാരന്‍ എന്നിവര്‍ അഭിനന്ദിച്ചു.

1 comment:

  1. ശാസ്ത്രീയമായ പരിശീലനം ലഭിച്ചാല്‍ മലയോരമക്കള്‍ അത്ഭുതം സൃഷ്ടിക്കും..പക്ഷേ..ശാസ്ത്രീയ പരിശീലനം പോയിട്ട്...നീന്താന്‍ ഒരു കുളമുണ്ടായിട്ടുവേണ്ടേ...!!!

    ReplyDelete