സോപ്പുപയോഗിച്ച് കൈ കഴുകുന്നത് സാധാരണം;ഫലമാകട്ടെ അസാധാരണം

പൊള്ളുന്ന വെയിലിലും ആവേശം ചോരാതെ കുട്ടിപ്പൊലീസ് പാസ്സിംഗ്ഔട്ട് പരേഡ്

ഇനി ഞങ്ങള്‍ കര്‍മ്മപഥത്തിലേക്ക്...

അതിഥികളോടും ഗുരുക്കന്മാരോടുമൊപ്പം...

അഡൂര്‍: ജാഗരൂകവും സമാധാനപരവും വികസനോന്മുഖവുമായ ഒരു സമൂഹസൃഷ്ടിക്കായി അച്ചടക്കം, ഉത്തരവാദിത്ത ബോധം, സാമൂഹിക പ്രതിബദ്ധത, സേവന സന്നദ്ധത തുടങ്ങിയ ലക്ഷ്യങ്ങള്‍ മുന്‍നിര്‍ത്തി പ്രവര്‍ത്തിക്കുന്ന ഒരു വിദ്യാര്‍ഥി കര്‍മസേനയാണ് സ്റ്റുഡന്‍റ് പൊലീസ് കേഡറ്റ്.

സ്റ്റുഡന്റ് പോലീസ് കേഡറ്റിന്റെ 2018-2020 ബാച്ചിന്റെ പാസ്സിംഗ്ഔട്ട് പരേഡ് അഡൂര്‍ ഗവ.ഹയര്‍ സെക്കന്ററി സ്‌കൂള്‍ മൈതാനത്ത് നടത്തി. രണ്ടു വര്‍ഷം പരിശീലനം നേടിയ 44വിദ്യാര്‍ത്ഥികളാണ് പരേഡില്‍ പങ്കെടുത്തത്. ആദൂര്‍ പ്രിന്‍സിപ്പല്‍ എസ്.ഐ. പി.കെ. മുകുന്ദന്‍ പരേഡില്‍ അഭിവാദ്യം സ്വീകരിച്ചു. എസ്.പി.സി. ഡ്രില്‍ ഇന്‍സ്ട്രക്ടര്‍ വിനീഷ് പ്രതിജ്ഞ ചൊല്ലിക്കൊടുത്തു. പരേഡില്‍ മികച്ച കേഡറ്റുകളായി തിരഞ്ഞെടുക്കപ്പെട്ട ബി. താബിയ തസ്നീം, പി.വി. ആര്യ, പി.ജെ. ലാവണ്യഎന്നിവര്‍ക്ക് പുരസ്‌കാരങ്ങള്‍ കൈമാറി.

പിടിഎ പ്രസിഡന്റ് ജെ.ഹരീഷന്‍ മാസ്റ്റര്‍‍, വൈസ് പ്രസിഡന്റ് ബി. രാധാകൃഷ്ണ‍, പ്രിന്‍സിപ്പാള്‍ പി. ലക്ഷ്മണന്‍, എസ്.പി.സി.എ.ഡി.എന്‍.ഒ. ശ്രീധരന്‍, അഡൂര്‍ വില്ലേജ് ഓഫീസര്‍ ബിന്ദു, ആദൂര്‍ എ.എസ്.ഐ. മോഹനന്‍, സിവില്‍ പൊലീസ് ഓഫീസര്‍ രതീഷ്, എസ്.പി.സി. സി.പി.ഒ. ഡി.കെ. രതീഷ്, എ.സി.പി.ഒ. വി. ശാന്തി, എ.ഗംഗാധരന്‍, പോലീസ് ഉദ്യാഗസ്ഥര്‍, പി.റ്റി.എ ഭാരവാഹികള്‍, അധ്യാപകര്‍, രക്ഷിതാക്കള്‍‍ തുടങ്ങി നിരവധിപേര്‍ പങ്കെടുത്തു.

'പ്രതിഭകളോടൊപ്പം അഡ‍ൂര്‍ സ്‍ക‍ൂള‍ും'

പ്രമുഖ ശിശുരോഗവിദഗ്ദന്‍ ഡോ. പി.ജനാര്‍ദ്ദനയോടൊപ്പം

പ്രശസ്ത കന്നഡ ചലച്ചിത്രനടന്‍ അഡൂര്‍ ബാലകൃഷ്ണന്‍ മാസ്റ്ററോടൊപ്പം

ക‍ുമ്പള ഉപജില്ലാ സ്‍ക‍ൂള്‍ കലോത്സവം:ഹൈസ്‍ക‍ൂള്‍ അറബിക്കില്‍ അഡ‍ൂര്‍ ചാമ്പ്യന്മാര്‍

അറബിക് ഹൈസ്‍ക‍ൂള്‍ വിഭാഗം ചാന്യന്‍ഷിപ്പ് കാസറഗോഡ് എം.പി.രാജ്മോഹന്‍ ഉണ്ണിത്താനില്‍ നിന്ന‍ും സ്വീകരിക്ക‍ുന്ന‍ു

അറബിക് യ‍ു.പി. വിഭാഗം റണ്ണേഴ്സ് അപ് ട്രോഫി ക‍ുട്ടികളും അധ്യാപകര‍ും ചേര്‍ന്ന് സമാപനസമ്മേളനത്തില്‍വെച്ച് സ്വീകരിക്ക‍ുന്ന‍ു

ഷേണി ശ്രീശാരദാംബ ഹയര്‍ സെക്കന്ററി സ്‍ക‍ൂളില്‍ ഒക്ടോബര്‍ 29 മുതല്‍ നവമ്പര്‍ 2വരെയായി നടന്ന ക‍ുമ്പള ഉപജില്ലാ സ്‍ക‍ൂള്‍ കലോത്സവം അറബിക് ഹൈസ്‍ക‍ൂള്‍ വിഭാഗത്തില്‍ ജി.എച്ച്.എസ്.എസ്. അഡ‍ൂര്‍ 82 പോയിന്റോടെ ചാമ്പ്യന്‍ഷിപ്പ് നേടി. അറബിക് യ‍ു.പി. വിഭാഗത്തില്‍ രണ്ടാം സ്ഥാനവും യു.പി. പൊത‍ുവിഭാഗത്തില്‍ മ‍ൂന്നാം സ്ഥാനവും ഹൈസ്‍ക‍ൂള്‍ പൊത‍ുവിഭാഗത്തില്‍ നാലാം സ്ഥാനവും നേടിയ അഡ‍ൂരിലെ ചുണക്കുട്ടികള്‍ കലോത്സവചരിത്രത്തിലെ ഏറ്റവും മികച്ച പ്രകടനമാണ് ഈ വര്‍ഷം കാഴ്ചവെച്ചത്. സ്‍ക‍ൂളിന് മികച്ച നേട്ടമുണ്ടാക്ക‍ുന്നതിന്റെ മ‍ുന്നണിയിലും പിന്നണിയിലും പ്രവര്‍ത്തിച്ച മുഴുവന്‍ ക‍ുട്ടികളെയും അധ്യാപിക-അധ്യാപകന്മാരെയും രക്ഷിതാക്കളെയും അധ്യാപക രക്ഷാകര്‍തൃ സമിതി അധ്യക്ഷന്‍ ജെ. ഹരീഷന്‍ മാസ്റ്റര്‍, പ്രിന്‍സിപ്പാള്‍ പി. ലക്ഷ്‍മണന്‍, ഹെഡ്‍മാസ്റ്റര്‍ അനീസ് ജി. മ‍ൂസാന്‍ എന്നിവര്‍ അഭിനന്ദിച്ച‍ു.

*ജി.എച്ച്.എസ്.എസ്. അഡൂരിൽ നിന്നും ജില്ലാതല മത്സരത്തിലേക്ക് യോഗ്യത നേടിയവർ*

*HSS SECTION GENERAL*

1. നൗറീന.ഇ.ആര്‍ (കവിതാ രചന അറബിക് )

2. ഗുരുപ്രസാദ് & പാര്‍ട്ടി (കോൽക്കളി )

*HS SECTION General*

1. ആര്യ പിവി (നാടോടി നൃത്തം)

2. സൗപർണിക കെ ( കഥാരചന ഇംഗ്ലീഷ്)

3. അചല പി ചന്ദ്രൻ & പാര്‍ട്ടി (സംഘഗാനം)

4. മുഹമ്മദ് നിയാസ് & പാര്‍ട്ടി (വട്ടപ്പാട്ട്‌)

5. ആയിഷ സജിന & പാര്‍ട്ടി (ഒപ്പന)

6. മുഹമ്മദ് ബദ്റുദ്ദീൻ. പി.എ & പാര്‍ട്ടി (കോൽക്കളി)

*HS SECTION ARABIC*

1. യാകൂബ് നസീർ (Arabic ഗാനം)

2. തഹ്സീന (കഥാപ്രസംഗം)

3. യാകൂബ് നസീർ (മുഷാഅറ)

4. ഫജ്‌റിയ & മുബഷിറ (സംഭാഷണം)

5. മുഹമ്മദ് ശുഹൈബ് & പാർട്ടി (സംഘ ഗാനം)

6. മുഹമ്മദ് ശുഹൈബ് & പാർട്ടി (നാടകം)

*UP SECTION GENERAL*

1. ഷാദിയ. എ.എസ് ( പ്രസംഗം മലയാളം)

2. തേജസ്വിനി കെ (സംഘഗാനം)

3.വിസ്മയ ആൻഡ് പാർട്ടി (സംഘ നൃത്തം)

4. ശ്രദ്ധ എസ് പാർവതി (കഥാരചന മലയാളം)

*UP SECTION ARABIC*

1. നബീസത് ജുഹാദ (കഥ പറയല്‍)

2. റംസീന കെ.പി (മോണോ ആക്ട്)

3. അയിഷ സജ & റംസീന ( സംഭാഷണം)

എൽപി വിഭാഗത്തിൽ നിന്നും ഒന്നാം സ്ഥാനം നേടിയവർ

1. അബ്ദുൽ സലാം ( അറബി ഗാനം)

2. അസ്മീന & പാര്‍ട്ടി (സംഘ ഗാനം)

ക‍ുമ്പള ഉപജില്ലാ ശാസ്‍ത്രോത്സവം:അഡ‍ൂര്‍ സ്‍ക‍ൂള്‍ ഹൈസ്‍ക‍ൂള്‍ വിഭാഗം ചാമ്പ്യന്മാര്‍

സമാപനസമ്മേളനത്തില്‍വെച്ച് ചാമ്പ്യന്‍ഷിപ്പ് ഏറ്റുവാങ്ങുന്നു

സ്‍ക‍ൂള്‍ അസംബ്ലിയില്‍ വിജയികള്‍ക്ക് നല്‍കിയ അനുമോദനം

2019 ഒക്ടോബര്‍ 17, 18 തിയ്യതികളിലായി പാണ്ടി ഗവ. ഹയര്‍ സെക്കന്ററി സ്‍ക‍ൂളില്‍വെച്ച് നടന്ന ക‍ുമ്പള ഉപജില്ലാ ശാസ്ത്രോത്സവത്തില്‍ ഹൈസ്‍ക‍ൂള്‍ വിഭാഗം ശാസ്ത്രമേളയില്‍ അഡ‍ൂര്‍ ഗവ. ഹയര്‍ സെക്കന്ററി സ്‍ക‍ൂള്‍ ചാമ്പ്യന്മാരായി. അന്വേഷണാത്മക പ്രോജക്റ്റ് ഇനത്തില്‍ ഒന്‍പതാം ക്ലാസില്‍ പഠിക്കുന്ന പി.വി. ആര്യയും ബി. താബിയ തസ്‍നീമും ചേര്‍ന്ന് അവതരിപ്പിച്ച വെണ്ണീരില്‍ നിന്ന‍ും വിവിധ ഉല്‍പന്നങ്ങളുണ്ടാക്കാമെന്ന കണ്ടെത്തല്‍ എ ഗ്രേഡോടെ ഒന്നാം സ്ഥാനം കരസ്ഥമാക്കിയപ്പോള്‍ നിശ്ചലമാതൃകാ ഇനത്തില്‍ പത്താം ക്ലാസിലെ സൗപര്‍ണികയുടെ പ്ലാസ്റ്റിക്കിന്റെ പുനചംക്രമണം എ ഗ്രേഡോടെ രണ്ടാം സ്ഥാനം നേടി. സയന്‍സ് ക്വിസില്‍ എട്ടാം ക്ലാസിലെ വൈഷ്‍ണവ് സി. യാദവവും ടാലന്റ് സര്‍ച്ച് പരീക്ഷയില്‍ ഒന്‍പതാം ക്ലാസിലെ ബി. താബിയ തസ്‍നീമും മൂന്നാം സ്ഥാനം കരസ്ഥമാക്കി. സമാപനസമ്മേളനത്തില്‍ ആദൂര്‍ സര്‍ക്കിള്‍ ഇന്‍സ്‍പെക്ടര്‍ കെ. പ്രേം സദന്‍ അവര്‍കളില്‍ നിന്നും വിജയികളായ ക‍ുട്ടികളും അധ്യാപകരും ചേര്‍ന്ന് ട്രോഫി ഏറ്റ‍ുവാങ്ങി. ക‍ുമ്പള എ.ഇ.ഒ. കെ. യതീഷ് ക‍ുമാര്‍ റൈ അധ്യക്ഷത വഹിച്ചു. കാസറഗോഡ് എ.ഇ.ഒ. എം. അഗസ്റ്റിന്‍ ബര്‍ണാഡ്, പാണ്ടി ഗവ. ഹയര്‍ സെക്കന്ററി സ്‍ക‍ൂള്‍ ഹെഡ്മാസ്റ്റര്‍ ഡി. നാരായണ, ക‍ുമ്പള ഉപജില്ലാ എച്ച്.എം. ഫോറം കണ്‍വീനര്‍ ബി. വിഷ്‍ണ‍ുപാല്‍, പി.ഇ.സി. സെക്രട്ടറി ഗംഗാധര ഷെട്ടി തുടങ്ങിയവര്‍ ആശംസകളര്‍പ്പിച്ചു. പാണ്ടി ഗവ. ഹയര്‍ സെക്കന്ററി സ്‍ക‍ൂള്‍ പ്രിന്‍സിപ്പാള്‍ ഇന്‍ ചാര്‍ജ് ഡോ. എസ്. ശോഭനാ മരി സ്വാഗതവും പ്രോഗ്രാം കണ്‍വീനര്‍ വിജയന്‍ ശങ്കരമ്പാടി നന്ദിയും പറഞ്ഞ‍ു. അഡ‍ൂര്‍ സ്‍ക‍ൂളിന് അഭിമാനര്‍ഹമായ നേട്ടം കൈവരിക്കാന്‍ സാധിച്ചതില്‍ പിടിഎ പ്രസിഡന്റ് ജെ. ഹരീഷന്‍, പ്രിന്‍സിപ്പാള്‍ പി. ലക്ഷ്മണന്‍, ഹെഡ്‍മാസ്റ്റര്‍ അനീസ് ജി. മ‍ൂസാന്‍ എന്നിവര്‍ ശാസ്ത്രപ്രതിഭകളായ ക‍ുട്ടികളെയും അവരെ ഒരുക്കിയ മുഴുവന്‍ അധ്യാപിക-അധ്യാപകന്മാരെയും അഭിനന്ദിച്ചു.

വായനയ‍ുടെ ലോകത്തേക്ക് പറന്ന‍ുയരാന്‍ ക‍ുട്ടികള്‍ക്ക് ക‍ൂട്ടായി അഡ‍ൂരിലെ ക്ലബ‍ുകള്‍

'ദേശാഭിമാനി,എന്റെ പത്രം' പദ്ധതി
പിടിഎ പ്രസിഡന്റ് ജെ.ഹരീഷന്‍ ഉദ്ഘാടനം ചെയ്യുന്നു

അഡൂരിന്റെ ഗ്രാമീണ സാംസ്കാരികബോധത്തെ രൂപപ്പെടുത്തുന്നതില്‍ സന്നദ്ധസംഘടനകളുടെയും ക്ലബുകളുടെയും സ്വാധീനം അവിസ്മരണീയമാണ്. മതത്തിനും ജാതിക്കും കക്ഷിരാഷ്ട്രീയത്തിനും അതീതമായി അഡൂരിലെ ഗ്രാമീണജനതയുടെ നിത്യജീവിതത്തില്‍ ഒഴിച്ചുകൂടാനാകാത്ത സാന്നിദ്ധ്യമായി മാറുകയാണ് ക്ലബുകളും സന്നദ്ധസംഘടനകളും. കലാ-കായിക പ്രവര്‍ത്തനങ്ങളിലൂടെ വളര്‍ത്തിയെടുക്കപ്പെട്ടത് കലയും കായികവും മാത്രമായിരുന്നില്ല, ഗ്രാമീണജനതയുടെ സംഘബോധവും സാംസ്കാരികമണ്ഡലവും കൂടിയായിരുന്നു. കഴി‍ഞ്ഞകാലപ്രവര്‍ത്തനങ്ങളിലൂടെ, അഡൂരിലെ ജനഹൃദയങ്ങളില്‍ കൂടുകൂട്ടിയ നാട്ടിലെ പ്രബലമായ ക്ലബാണ് വോയ്സ് ഓഫ് അഡൂര്‍ ആര്‍ട്ട്സ് ആന്റ് സ്പോര്‍ട്ട്സ് ക്ലബ്. ഇക്കഴിഞ്ഞ ഓണാവധിക്കാലത്ത് സ്കൂള്‍ പിടിഎ യുടെ അഭ്യര്‍ത്ഥന മാനിച്ച് സ്കൂളും പരിസരവും ശുചീകരിക്കുന്ന പ്രവര്‍ത്തനങ്ങളില്‍ വോയ്സ് ഓഫ് അഡൂര്‍ പ്രവര്‍ത്തകര്‍ സഹകരിക്കുകയുണ്ടായി. ഇപ്പോഴിതാ വീണ്ടും സ്കൂളുമായി സഹകരിച്ചുകൊണ്ട് 'മധുരം മലയാളം' പദ്ധതിയിലൂടെ അഞ്ച് മാതൃഭൂമി പത്രങ്ങളും ആറ് 'വിജയകര്‍ണാടക' കന്നഡ പത്രങ്ങളും സ്കൂളിലെത്തിക്കുകയാണ്.

'മധുരം മലയാളം'പദ്ധതി വോയ്സ് ഓഫ് അഡൂര്‍
പ്രസിഡന്റ് എം.നസീര്‍ ഉദ്ഘാടനം ചെയ്യുന്നു

പുതിയ തലമുറ പുതിയ മേച്ചില്‍പുറങ്ങള്‍ തേടിപ്പോകുമ്പോഴും ക്ലബുകള്‍ക്ക് അനിഷേധ്യമായ ഒരു സ്ഥാനം ഇന്നും ഗ്രാമീണ അന്തരീക്ഷത്തിലുണ്ട്. അതിന് മറ്റൊരു മികച്ച ഉദാഹരണമാണ് സഫ്ദര്‍ ഹാഷ്മി ആര്‍ട്ട്സ് ആന്റ് സ്പോര്‍ട്ട്സ് ക്ലബ്. വര്‍ഷങ്ങളായി സംഘടിപ്പിക്കുന്ന ഓണാഘോഷപരിപാടികളിലൂടെയും മറ്റു സന്നദ്ധപ്രവര്‍ത്തനങ്ങളിലൂടെയും അഡൂരിന്റെ സാമൂഹികമേഖലകളില്‍ നിറസാന്നിദ്ധ്യമാണ് സഫ്ദര്‍ ഹാഷ്മി. സ്കൂള്‍ പ്രവേശനോത്സവസമയത്തും സ്കൂള്‍ പരിസര ശുചീകരണത്തിലുമടക്കം സഹകരിച്ചുകൊണ്ട് അഡൂരിലെ പുതുതലമുറയെ വളര്‍ത്തിയെടുക്കുന്നതില്‍ സ്കൂളുമായി എന്നും കൂടെ നിന്നിട്ടുള്ള സഫ്ദര്‍ ഹാഷ്മി വക രണ്ട് ദേശാഭിമാനി പത്രങ്ങളും സ്കൂളിലേക്കെത്തുകയാണ്.

സ്കൂളുമായി എന്നും ചേര്‍ന്ന് നിന്നിട്ടുള്ള അഡൂരിലെ രണ്ട് പ്രമുഖ ധനകാര്യസ്ഥാപനങ്ങളാണ് ദേലമ്പാടി അഗ്രിക്കള്‍ച്ചറിസ്റ്റ് ബാങ്കും അഡൂര്‍ വനിതാ ബാങ്കും. അഗ്രിക്കള്‍ച്ചറിസ്റ്റ് ബാങ്കിലെ സ്റ്റാഫിന്റെ വകയായി രണ്ട് ദേശാഭിമാനി പത്രങ്ങളും വനിതാബാങ്കിന്റെ വകയായി ഒരു ദേശാഭിമാനി പത്രവും സ്കൂളിലേക്കെത്തുകയാണ്. എസ്.കെ.എസ്.എസ്.എഫ്. എന്ന വിദ്യാര്‍ത്ഥി സംഘടനയുടെ വകയായി അഞ്ച് 'സുപ്രഭാതം' പത്രങ്ങള്‍ കഴിഞ്ഞ അദ്ധ്യയനവര്‍ഷം മുതല്‍ക്ക്തന്നെ സ്കൂളിലെത്തുന്നുണ്ട്.

'വിജയ കര്‍ണാടക' വോയ്സ് ഓഫ് അഡൂര്‍
സെക്രട്ടറി അഡ്വ.കിഷന്‍ ടിണ്ടു ഉദ്ഘാടനം ചെയ്യുന്നു

ഇലക്ട്രോണിക് വായനയുടെ ഈ പുതിയ യുഗത്തിലും കടലാസിന്റെയും അച്ചടിയുടെയും പ്രസക്തി ഒട്ടും ചോര്‍ന്നുപോയിട്ടില്ല. പുതുതലമുറയെ, വായനയുടെ, അറിവിന്റെ പുതിയ മേഖലകളിലേക്ക് കൈപിടിച്ചുയര്‍ത്താന്‍ സന്‍മനസ്സ് കാണിച്ച എസ്.കെ.എസ്.എസ്.എഫ്., വോയ്സ് ഓഫ് അഡൂര്‍ ആര്‍ട്ട്സ് ആന്റ് സ്പോര്‍ട്ട്സ് ക്ലബ്, സഫ്ദര്‍ ഹാഷ്മി ആര്‍ട്ട്സ് ആന്റ് സ്പോര്‍ട്ട്സ് ക്ലബ്, ദേലമ്പാടി അഗ്രിക്കള്‍ച്ചറിസ്റ്റ് ബാങ്കു് സ്റ്റാഫ്, അഡൂര്‍ വനിതാ ബാങ്ക് എല്ലാവരെയും ഹൃദയത്തോടു ചേര്‍ത്തുവെച്ചുകൊണ്ട് കൃതജ്ഞത അറിയിക്കുകയാണ്.പത്രങ്ങള്‍ സ്കൂളിന് സമര്‍പ്പിക്കുന്ന ചടങ്ങുകളില്‍ ബന്ധപ്പെട്ട ക്ലബ്, സ്ഥാപന അധികൃതരെ കൂടാതെ പിടിഎ പ്രസിഡന്റ് ജെ. ഹരീഷന്‍, പ്രിന്‍സിപ്പാള്‍ പി. ലക്ഷ്മണന്‍, ഹെഡ്മാസ്റ്റര്‍ അനീസ് ജി. മൂസാന്‍, സീനിയര്‍ അസിസ്റ്റന്റ് പി. ശാരദ, സ്റ്റാഫ് സെക്രട്ടറി രാമചന്ദ്ര മണിയാണി തുടങ്ങിയവര്‍ സന്നിഹിതരായിരുന്നു.

മാതൃകയായി അധ്യാപകദമ്പതികള്‍

കണ്ണകന്നാൽ മനസ്സകലുമെന്നാണ്‌ പലരും പറയാറ്. ചിലപ്പോഴൊക്കെ അതൊരു സത്യവുമാണ്‌. എന്നാൽ സ്കൂൾ മാറിപ്പോയിട്ടും ഔദ്യോഗികജീവിതത്തില്‍ നിന്ന് തന്നെ വിരമിച്ചിട്ടും തങ്ങൾ പഠിപ്പിച്ച വിദ്യാലയത്തെ മറന്ന് പോവാതെ നെഞ്ചോട് ചേർത്ത് വെച്ച രണ്ടു പേർ നമുക്കെല്ലാം മാതൃകയാവുകയാണ്. നമ്മുടെ സ്കൂളിലെ ഹെഡ്മാസ്റ്ററായിരുന്ന ബാലകൃഷ്ണ ഷെട്ടിഗാർ മാഷും സീനിയര്‍ അധ്യാപികയായിരുന്ന പ്രസന്ന കുമാരി ടീച്ചറും. ഇന്നവർ രണ്ട് ക്ലാസ്സുമുറികൾ ടൈൽ പാകി സ്മാർട്ടാക്കി നമ്മുടെ കുട്ടികൾക്കായി സമ്മാനിച്ചിരിക്കുന്നു.
നന്ദി...
ഈ നാടിന്റെ നന്മയോടൊപ്പം സഞ്ചരിച്ചതിന്...
നമ്മുടെ മക്കൾക്കും അറിവിന്റെ പുതിയ ജാലകങ്ങൾ തുറക്കാൻ കൂട്ടിരുന്നതിന്...
അതിലുപരി ഈ കുഞ്ഞു വിദ്യാലയത്തെ സ്നേഹിച്ചതിന്...

നിങ്ങളുടെ ജീവിതത്തിൽ ഇനിയും ഒരുപാട് നന്മകൾ ഉണ്ടാവട്ടെ...