പ്ലസ് ടു സെന്റ് ഓഫ് യോഗത്തില്‍ പ്രിന്‍സിപ്പാള്‍ ശ്രീമതി സോഫിയ ഫ്രാന്‍സിസ് സംസാരിക്കുന്നു. ഇന്നത്തോടു കൂടി സ്‌കൂള്‍ വിദ്യാഭ്യാസം അവസാനിക്കുകയാണ്. ഈ വിദ്യാലയത്തിലെ അവസാന ദിവസം – സെന്റ് ഓഫ് അഥവാ വിട പറയല്‍ ദിവസം. പരീക്ഷ എന്ന കടമ്പ കൂടി കഴിഞ്ഞാല്‍ ഓരോത്തരും അവരവരുടെ പുതിയ ലോകത്തിലേക്ക് യാത്ര തുടങ്ങുകയാണ്. ചടങ്ങില്‍ അധ്യാപകരും വിദ്യാര്‍ത്ഥികളും പ്രസംഗിക്കുകയും, വിവിധ കലാപരിപാടികള്‍ അവതരിപ്പിക്കുകയും ചെയ്‌തു. ഐസ് ക്രീമും ബെര്‍ഗറും പെപ്‌സിയുമൊക്കെയുണ്ടായിരുന്നു. പിന്നെ കൂട്ടുകാര്‍ പരസ്പരം കൈകൊടുത്തും ആശ്ലേഷിച്ചുമുള്ള യാത്ര പറയല്‍. നാളെ ആരെയല്ലാം വീണ്ടും കണ്ടുമുട്ടുമെന്നറിയില്ല. ജീവിതനാടകത്തിലെ ഒരു രംഗത്തിന് ഇവിടെ തിരശ്ശീല വീഴുകയാണ്. ഇനി പുതിയ രംഗം....പുതിയ റോള്‍....

അഡൂര്‍ ഗവ.ഹയര്‍ സെക്കന്ററി സ്‌കൂളില്‍ ക്ലാസ്‌റൂം കെട്ടിടം ഉദ്‌ഘാടനം ചെയ്‌തു

അഡൂര്‍ ഗവ.ഹയര്‍ സെക്കന്ററി സ്‌കൂള്‍ ഹയര്‍ സെക്കന്ററി വിഭാഗത്തിനായി നിര്‍മ്മിച്ച ക്ലാസ്‌ റൂം കെട്ടിടത്തിന്റെ ഉദ്ഘാടനം സെപ്‌റ്റമ്പര്‍ 22 തിങ്കളാഴ്‌ച ഉച്ചകഴിഞ്ഞ് 4 മണിക്ക് കെ.കുഞ്ഞിരാമന്‍ എംഎല്‍എ നിര്‍വഹിച്ചു. ഉദുമ എംഎല്‍എ കെ.കുഞ്ഞിരാമന്‍ അവര്‍കളുടെ ആസ്‌തി വികസനഫണ്ടില്‍ നിന്നും 49 ലക്ഷം രൂപ ചെലവഴിച്ചാണ് കെട്ടിടം പണിതത്. നാല് ക്ലാസ്‌മുറികളും എട്ട് ടോയ്‌ലറ്റുകളും അടങ്ങുന്നതാണ് കെട്ടിട സമുച്ഛയം. ഉദ്ഘാടനചടങ്ങില്‍ കാറഡുക്ക ബ്ലോക്ക് പഞ്ചായത്ത് പ്രസിഡന്റ് ബി.എം.പ്രദീപ് അധ്യക്ഷത വഹിച്ചു. ദേലമ്പാടി ഗ്രാമപഞ്ചായത്ത് പ്രസിഡന്റ് എം.ഗീത മുഖ്യതിഥിയായി. പി.ഡബ്ല്യു.ഡി. അസിസ്‌റ്റന്റ് എക്‌സിക്യൂട്ടീവ് എഞ്ചിനീയര്‍ ഷാജിതയ്യില്‍ റിപ്പോര്‍ട്ട് അവതരിപ്പിച്ചു. നിശ്ചിതസമയത്ത്തന്നെ പണി പൂര്‍ത്തീകരിച്ച പി.ഡബ്ല്യു.ഡി. കോണ്‍ട്രാക്‌ടര്‍ എം.എം. അബ്‌ദുല്‍ ഖാദറിനുള്ള പിടിഎ വക ഉപഹാരം എംഎല്‍എ നല്‍കി. കമ്പ്യൂട്ടര്‍, ഫര്‍ണിച്ചര്‍, ടോയ്‌ല‌റ്റ്, സ്കൂള്‍ബസ്, കെട്ടിടം തുടങ്ങിയ ആവശ്യങ്ങളുന്നയിച്ച് എംഎല്‍എ, ജില്ലാപഞ്ചായത്ത് പ്രസിഡന്റ്

എന്നിവര്‍ക്ക് സ്‌കൂള്‍ പിടിഎ നിവേദനം നല്‍കി. ദേലമ്പാടി ഗ്രാമപഞ്ചായത്ത് വൈസ് പ്രസിഡന്റ് എ.ചന്ദ്രശേഖരന്‍, ജില്ലാപഞ്ചായത്ത് മെമ്പര്‍ എം.തിമ്മയ്യ, ദേലമ്പാടി ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്ഥിരം സമിതി അധ്യക്ഷ കെ.ജയന്തി, റിട്ടയേഡ് ഹെഡ്‌മാസ്‌റ്റര്‍ എം. ഗംഗാധരന്‍, ബി.കൃഷ്‌ണ നായക്ക്, സി. ഗംഗാധരന്‍, മദര്‍ പിടിഎ പ്രസിഡന്റ് പുഷ്‌പ ബന്നൂര്‍, സീനിയര്‍ അധ്യാപിക എന്‍. പ്രസന്നകുമാരി, സീനിയര്‍ എച്ച്.എസ്.എസ്.ടി. ടി.ശിവപ്പ, സ്‌റ്റാഫ് സെക്രട്ടറി എ.എം.അബ്‌ദുല്‍ സലാം എന്നിവര്‍ പ്രസംഗിച്ചു. പിടിഎ പ്രസിഡന്റ് സി.കെ.കുമാരന്‍ സ്വാഗതവും ഹെഡ്‌മാസ്‌റ്റര്‍ ബി.ബാലകൃഷ്‌ണ ഷെട്ടിഗാര്‍ നന്ദിയും പറഞ്ഞു.

എം.എല്‍.എ.ഫണ്ടില്‍ നിന്നും അനുവദിച്ച ഹയര്‍സെക്കന്ററി സ്ക്കൂള്‍ കെട്ടിടത്തിന്റെ ശിലാസ്ഥാപനം ഉദുമ നിയോജകമണ്ഡലം എം.എല്‍.എ.ശ്രീ.കെ.വി.കുഞ്ഞിരാമന്‍ നിര്‍വ്വഹിക്കുന്നു